107'Quid [Note] fiet artibus?' Quibus? [Note] iisne quae [Note]
ipsae fatentur coniectura se plus uti quam scientia,
an iis [Note] quae tantum id quod videtur secuntur nec
habent [Note] istam artem vestram qua vera et falsa diiudicent?
Sed illa sunt lumina duo quae maxime causam
istam continent. Primum enim negatis fieri posse ut
quisquam nulli rei adsentiatur. at id quidem perspicuum est, cum Panaetius, princeps prope meo quidem
iudicio Stoicorum, ea de re dubitare se dicat quam [Note]
omnes praeter eum Stoici certissimam [Note] putant, vera
esse <responsa> haruspicum [Note] auspicia oracula somnia
vaticinationes, seque ab adsensu sustineat — quod
is potest facere vel [Note] de iis rebus quas illi a quibus
ipse didicit certas habuerint, cur id sapiens de reliquis rebus facere non possit? an est aliquid quod
positum [Note] vel inprobare vel adprobare possit, dubitare [Note]
non possit? an tu in soritis poteris hoc cum voles,
ille in reliquis rebus non poterit eodem modo insistere, praesertim cum possit sine adsensione ipsam veri
similitudinem non inpeditam sequi.
108Alterum est
quod negatis [Note] actionem ullius rei posse in eo esse
qui nullam rem adsensu suo conprobet. Primum enim
-- --
videri oportet, [Note] in quo sit [Note] etiam adsensus (dicunt enim
Stoici sensus ipsos adsensus esse, quos quoniam adpetitio consequatur actionem sequi) — tolli autem
omnia si visa tollantur.
ch. 34hac de re in utramque partem
5et dicta sunt [Note] et scripta multa †vide superiore†, [Note] sed
brevi res potest tota confici. ego enim etsi maximam
actionem puto repugnare visis obsistere opinionibus
adsensus lubricos sustinere, credoque Clitomacho ita
scribenti, Herculi quendam laborem exanclatum [Note] a Carneade, quod ut feram et inmanem beluam sic ex
animis nostris adsensionem id est opinationem et temeritatem extraxisset, tamen, ut ea pars defensionis
relinquatur, quid impediet actionem eius qui probabilia sequitur nulla re inpediente?